Ao escoitar os gritos da señora Xulia, Benita ergueuse; pero, ao empezar a camiñar, descobre que non soa o clinclín, e decátase de que perdeu o cascabel. Así comeza esta divertida historia de Pablo Albo, quen nos fai partícipes da procura apresurada do cascabel por parte desta gata tenra que teme quedarse sen sardiñas por mor deste extravío.Benita volve sobre os seus pasos, e o percorrido permite coñecer outros habitantes da casa supostamente inanimados (o sofá, a escoba, a mesa), que, neste conto falan e vaia se o falan!, xa que ofrecen información chave para chegar ata o obxecto perdido.Os diálogos da gata con estes enseres son moi graciosos, porque desprenden inocencia e certa empatía co lector, ao abordar situacións comúns: Que outra cousa se pode atopar nun sofá máis que algunha moeda ou unhas migas de pan?
