Esti llibru ye la tercer entrega dÆun trabayu en marcha, el cuadernu o dietariu dÆun cineasta, Ramón Lluís Bande, que va apurriendo nél les sos llectures, reflexones y porgüeyos de cada día, que casi siempre tienen que ver cola última película que ta rodando o cola próxima que ta armando. Nes esmoliciones y nes propuestes de Bande nun ye posible dixebrar lo ético de lo estético; tampoco nesti casu, onde lÆusu dÆuna distanciadora tercera persona axuda a quita-y tou engolamientu al discursu, que paez enfotáu nÆafondar en suelu firme pa llantar les pilastres de la so obra cinematográfica sobre idees y presupuestos sólidos. La memoria yeÆl material del que tán fechos los suaños dÆesti autor, que nun persigue la oxetividá sinón el compromisu, y que quier más plantegar entrugues que buscar certeces o fabricar respuestes: «La memoria ye un ríu. Tolo que saquemos dÆél van ser namás fragmentos dÆuna corriente infinita»..
